يا خبر اللبن قطع (فسد) تعالى اقولك نعمل بيه ايه ---ادخلى بسرعه

[b][
الشاطرة اللى ما ترميش حاجة خالص
حتى لو الحاجة دى اتغيرت او باظت زى اللبن
اول ما تيجى تغلى اللبن وتكتشفى انه قطع(باظ)بيترمى على طول طب لية مانفكر شوية
قبل مانيجى نغلى لبن شاكين فية انه قاطع
نحط منه معلقة فى اللبانة على النار ولو غلى
يبقى بالهنا والشفا ما خسرناش حاجة
لكن لو عمل زى الجبنة او الزبادى فى اللبانة
لا ما تغليهوش وتعالى اقولك تعملى بيه اية؟
تجيبى حلة على قد اللبن بالضبط وتكون بالغطاء
وبعد كدة لو احنا فى صيف تسيبيها على الرخامة لمدة يوم كامل ولو شتاء لمده 2 يوم بدون غلى
وبعد كدة هتلاقى اللبن بقى زى الزبادى بالضبط
هتحطى بعد كدة
على كل كيلو لبن معلقة صغيرة ملح وعلى حسب رغبتك فى الملح
وبعد كدة تجيبى طرحة تكون شاش نضيفة جدا
ومغسولة بالمية كويس جدا
وتحطيها على مصفة عندك تحتها حاجة تنزل عليها المية الزايدة
وبعد كدة تدلقى اللبن
بعد ما حطينا الملح على اللبن
فى الشاش
وتقفلى الشاشة براحة خالص علشان ما يدلقش منك برة المصفة
وتسبيها تصفى لمدة يوم كامل
ولو الجو حر تحطى المصفة فى التلاجة تصفى براحتها
وبعد كدة هتلاقى عندك احلى جبنة قريش بخيرها
(زى الفيتا بالضبط)
وتانى حاجة لو اكتشفتى اللبن انة قطع بعد ما غلى هنرمية؟
لا طبعا هتصفية من المية الزايدة بمصفاة
وتحطى علية ملح وشطة وكمون وتجيبى من السوبر ماركت علبة (مش)وتفضيها فى برطمان اكبر شوية وتحطى علية اللبن اللى قطع وحطى علية فلفل احمر بيكون واو وووو تحفة ومشطشط
وبكدة تبقى ما بترميش حاجة من اللبن اللى قطع عندك واستفدتى بكل فلوسك
اية رايكم شطارة ولا لا
مين اللى هتقلدنى؟

يسلام لو حتطى فية قشر اليوسفى كمان وليمون نى عموما تسلم ايدك