منتدى مدرستنا

السلام عليكم ورحمة الله وبركاته ، مرحباً بك فى مجتمعك المدرسى ، نرجو أن تكون فى كامل الصحة والعافية
لكى تتمكن من المشاركة يجب عليك التسجيل بالمنتدى . أما إذا كنت تريد تصفح موضوعات المنتدى فقط فتفضل
( الأستاذ / على الدين يحيى - مدير عام المنتدى )

معلوماتنا + أفكارنا العلمية والثقافية والدينية + خبراتنا فى العلم والحياة ( كل ذلك وأكثر بين يديك عزيزتى الطالبة, عزيزى الطالب )


    بابا خنقني

    دعاء حلمي
    دعاء حلمي
    عضو جديد

    عدد المساهمات : 33
    تاريخ التسجيل : 09/02/2010

    بابا خنقني Empty بابا خنقني

    مُساهمة من طرف دعاء حلمي في الجمعة أبريل 23, 2010 6:22 pm

    السلام عليكم ورحمه الله وبركاته

    شوفوا الحوار بس
    وقولولى

    بابا خنقها ولا هى الدنيا كده
    اسيبكوا مع الحوااااار

    انتي صوتك عالي ليه ؟
    انتي بنت ميصحش كده !!!!!!

    اتاخرتي بره ليه
    انتي بنت عيب كده!!!!!!

    رايحة فين لوحدك خدي اخوكي معاك
    انتي بنت الناس تقول ايه ؟؟؟؟

    البسي حاجة عليكي وغطي دراعاتك دي
    انتي ح تقلدي اخوكي ولاايه !!!!!
    انتي بنت
    متقعديش علي النت لوحدك
    انتي حاجة واخوكي حاجة
    يعني انتي بنت وهو ولد

    ادخلي جوة لان جاي لي ضيف
    ميصحش تباني قدامه
    انتي بنت وهو غريب
    انتي بنت
    انتي بنت
    البنت قرفت من حياتها
    ياريتها كانت هي الولد
    البنت انفجرت في باباها وقالت له
    خنقتني يابابا
    هي البنت دي مش بني ادمة
    هي البنت مش زي الولد
    الاب حاول يفهمها
    حاول يقنعها
    ان البنت غير الولد
    لكن البنت
    مش عايزة تقتنع
    طب وبعدين؟؟؟؟

    الاب في تفكير دائم
    ماهو كمان خايف ان البنت تفتكر انه بيحب اخوها اكتر منها
    او تفتكر انه رجعي

    وهنا جاءت الفكرة
    وبدأ الاب يلقن ابنته الدروس

    ومع اول درس يابنات

    تعالي معايا يابنتي ...علي فين يابابا؟؟
    اهو رايح مشوار تعالي سليني
    البنت فرحانة ومزقططة...ايه الرضا ده
    دايما ياخد اخويا معاه اشمعنى النهارده

    ياترى هايخرجوا فين ؟

    نشوف

    السلام عليكم
    وعليكم السلام
    عملت ايه في العربية يااسطي سعيد
    كله تحت السيطرة يابيه ... مسافة ماتشرب الشاي اكون فنشتها
    هات كرسيين ياد ياحنفي
    حاضر يااسطي

    اتفضل يابيه . اتفضلي يامزمزيل اهلا وسهلا تشربوا ايه ؟

    هات لهم شاي ياد
    حاضر يااسطي

    البنت ياحبة عيني مستغربة
    ايه اللي بابا بيعمله ده !!!!!
    وقاعدة طبعا قرفانة من نفسها
    ماهي قاعدة عند ميكانيكي
    وورشة
    والفاظ غريبة
    وناس عجيبة....

    شوية والشاي وصل البنت مقدرتش تتحمل قرفت من منظر
    البني ادم اللي جايب الشاي ومن اكواب الشاي ومن الشاي نفسه
    ايه القرف ده !!!!!

    بابا انا ماشية

    رايحة فين ؟؟

    ماشيه هروح
    طيب خلي بالك من نفسك

    ووراها علي طول روح باباها
    لقاها قاعدة تشتكي لمامتها....

    ازاي بابا ياخدني ويقعدني عند الميكانيكي
    كان منظري شاذ قوي ياماما
    انت اتجننت ياراجل انت ؟؟
    ايه اللي انت عملته ده ؟؟
    ايه بس اللي مزعلكم ياجماعة ؟؟

    فيها ايه يعني لما اخدت البنت معايا عند الميكانيكي ؟؟؟

    لا يابابا


    لو سمحت


    انا مش ولد علشان اروح اقعد عند الميكانيكي انا بنت

    ابتسامة عريضة من الاب
    وانتهى الدرس الاول



    ها ايه رأيكو في الحوار ده ؟
    alaa1asd
    alaa1asd
    مشرف ثقافى
    مشرف ثقافى

    عدد المساهمات : 1012
    تاريخ التسجيل : 26/03/2010
    العمر : 56

    بابا خنقني Empty رد: بابا خنقني

    مُساهمة من طرف alaa1asd في السبت أبريل 24, 2010 11:06 am

    بابا خنقني 185211253076597




    بصراحة الموضوع حلو لكن مش عندنا في مصر لان الاخلاق دي مش اخلاق البنت الملتزمه التي عندها حياء والاب كيف يقبل علي ابنته ان تجلس معه عند الميكانيكي الموضوع محتاج مونتاج اكتر من كده

    مجهود رائع جدا بارك الله فيكي.

    ولي امر التلميذه \ هبه علاء الدين لطفى 1-4







    بابا خنقني Imagesca29lzk5



    بابا خنقني Jkkkkk13
    avatar
    سلوى حمدى
    مشرف الفلسفة والمنطق
    مشرف الفلسفة والمنطق

    عدد المساهمات : 40
    تاريخ التسجيل : 16/01/2010

    بابا خنقني Empty رد: بابا خنقني

    مُساهمة من طرف سلوى حمدى في الجمعة أبريل 30, 2010 11:34 am


    طبعا هناك فرق بين الولد و البنت

    و ما فعله الاب هو من المواقف المربية التى جعلت

    البنت تقتنع فعلا بهذا الفرق

    شكرا لك يا عزيزتى على هذه القصة الهادفة

    مني الحجري
    مني الحجري
    مشرف التربية الزراعية
    مشرف التربية الزراعية

    عدد المساهمات : 97
    تاريخ التسجيل : 13/01/2010

    بابا خنقني Empty رد: بابا خنقني

    مُساهمة من طرف مني الحجري في الجمعة أبريل 30, 2010 11:59 am

    البنت زى الولد وتساوت الان معه فى كل الحقوق و الوجبات



    ولكن لابد ان نعترف ان هناك فرق بين البنت و الولد ويجب ان


    نحترم هذا الفارق الربانى اما القصة فهى معبرة و سلوك الاب سلوك


    تربوى صحيح وربنا يهدى اولادنا جميعا


    بابا خنقني 759838523

      الوقت/التاريخ الآن هو الخميس أبريل 02, 2020 2:37 am