" الحمد لله .. مصر استعادت صباع اخناتون من سويسرا بعد 103 عام من سرقتها .. ايوة طبعا، كله الا الصباع .. كده الواحد يقدر ينام .. ياللا تصبعوا على خير."
دي الرسالة اللي لقيتها على الايمل عندي ... فى الاول افتكرت حد بيتريق....بعدين افتكرت ان امبارح كنت سمعت ان فيه اثار فعلا رجعت من سويسرا بس بصراحة متخيليتش انه صباع المهم دورت فى الاخبار ولقيت فعلا انه صباع الملك اخناتون رجع مصر بعد 103 سنة وده نص الخبر من الاهرام
المسائي :
وأشار د. حواس في كلمة عن تقديره لحكومة سويسرا وذلك لأن الحكومة اعادت الي مصر العديد من القطع الأثرية التي كان متهما فيها أحد تجار الآثار بالاضافة الي عين الملك أمنحتب الثالث التي كانت موجودة بمتحف بازل وقد أحضر د. فرانك رولي وهو أستاذ متخصص في الحامض النووي أصبع الملك اخناتون, وذلك من خلال مفاوضات تمت بينه وبين زاهي حواس, وقد أعيد الإصبع وتم تسليمه اليوم أثناء التوقيع علي الاتفاقية.
وهذه الاصبع خاصة بإحدي قدمي اخناتون وسرق في عام1907 أثناء فحص المومياء حيث يبدو أنها تمت بواسطة العالم الانجليزي هاريس أثناء عمله بالمقبرةKV55 عند اكتشاف المقبرة آنذاك.
وده من خلال اتفاقية بين مصر وسويسرا
بس لما تتمعن فى الخبر طب وبعدين ؟ يعني هو ايه مشكلتي انا كواحد مصري ان صباع اخناتون موجود ولا لا ؟؟ يعني هو نايم بقاله كام سنة فى قبره من غير صباع هتفرق معاه اوي يعني لو رجع له صباعه النهاردة ؟
يعني المفروض دلوقتي على كل مصري انه يقوم يزقطط يرقص ويفرح ما احنا رجعنا الصباع
بجد حاجة تحزن لما تكون ناس عايشة فى المقابر مع الميتين فى مكان واحد ،ومعاقين مش لاقية حقوقهم وبيعملوا تظاهرات ،واطفال نايمة على الرصيف ،وناس تطلع معاش تحت اسم الخصخصة ، وشباب مش لاقين شغل ،ولحمة بيزيد سعرها ... ونسيب كل ده وتروح تجرى عشان نرجع صباع .
ده مش تقليل من شغل د.زاهي ، بجد انا بحترم الراجل ده جدا كفاية انه من القلائل اللي بيشوفوا شغلهم ى بلدنا ، بس لما اسمع من كام سنة ان البلد صرفت مش عارفة كام مليون عشان تنقل تمثال رمسيس فى مشهد تاريخي ؟ والنهاردة توقع اتفاقية عشان ترجع صباع ! لازم اتعجب واستغرب
تاريخنا على عيني وراسي بس دول ناس ميتة من زمان الزمان ومش تفرق معاهم كتير اذا كانوا تماثيلهم تتنقل او لا او يتحطوا فى متحف او فى بزار !
وفى النهاية احب اهنئ شاب مصر ورجاله ونسائه واطفاله وشيوخه بعودة الصباع وقولهم حمد الله على سلامته
وربنا يديم عليكم الفرح
واسيبكم مع شوية اسئلة تشغل الدماغ :
1- تفتكروا تحليل ال DNA اتعمل على حساب مصر ولا سويسرا ؟
2- طب تفتكروا الصباع رجع فى طيارة خاصة ولا طيارة عادية ؟
3- تفتكروا كدا اخناتون ارتاح فى تابوته؟
اذا عرفت الحل اتصل بنا
_________________
دي الرسالة اللي لقيتها على الايمل عندي ... فى الاول افتكرت حد بيتريق....بعدين افتكرت ان امبارح كنت سمعت ان فيه اثار فعلا رجعت من سويسرا بس بصراحة متخيليتش انه صباع المهم دورت فى الاخبار ولقيت فعلا انه صباع الملك اخناتون رجع مصر بعد 103 سنة وده نص الخبر من الاهرام
المسائي :
وأشار د. حواس في كلمة عن تقديره لحكومة سويسرا وذلك لأن الحكومة اعادت الي مصر العديد من القطع الأثرية التي كان متهما فيها أحد تجار الآثار بالاضافة الي عين الملك أمنحتب الثالث التي كانت موجودة بمتحف بازل وقد أحضر د. فرانك رولي وهو أستاذ متخصص في الحامض النووي أصبع الملك اخناتون, وذلك من خلال مفاوضات تمت بينه وبين زاهي حواس, وقد أعيد الإصبع وتم تسليمه اليوم أثناء التوقيع علي الاتفاقية.
وهذه الاصبع خاصة بإحدي قدمي اخناتون وسرق في عام1907 أثناء فحص المومياء حيث يبدو أنها تمت بواسطة العالم الانجليزي هاريس أثناء عمله بالمقبرةKV55 عند اكتشاف المقبرة آنذاك.
وده من خلال اتفاقية بين مصر وسويسرا
بس لما تتمعن فى الخبر طب وبعدين ؟ يعني هو ايه مشكلتي انا كواحد مصري ان صباع اخناتون موجود ولا لا ؟؟ يعني هو نايم بقاله كام سنة فى قبره من غير صباع هتفرق معاه اوي يعني لو رجع له صباعه النهاردة ؟
يعني المفروض دلوقتي على كل مصري انه يقوم يزقطط يرقص ويفرح ما احنا رجعنا الصباع
بجد حاجة تحزن لما تكون ناس عايشة فى المقابر مع الميتين فى مكان واحد ،ومعاقين مش لاقية حقوقهم وبيعملوا تظاهرات ،واطفال نايمة على الرصيف ،وناس تطلع معاش تحت اسم الخصخصة ، وشباب مش لاقين شغل ،ولحمة بيزيد سعرها ... ونسيب كل ده وتروح تجرى عشان نرجع صباع .
ده مش تقليل من شغل د.زاهي ، بجد انا بحترم الراجل ده جدا كفاية انه من القلائل اللي بيشوفوا شغلهم ى بلدنا ، بس لما اسمع من كام سنة ان البلد صرفت مش عارفة كام مليون عشان تنقل تمثال رمسيس فى مشهد تاريخي ؟ والنهاردة توقع اتفاقية عشان ترجع صباع ! لازم اتعجب واستغرب
تاريخنا على عيني وراسي بس دول ناس ميتة من زمان الزمان ومش تفرق معاهم كتير اذا كانوا تماثيلهم تتنقل او لا او يتحطوا فى متحف او فى بزار !
وفى النهاية احب اهنئ شاب مصر ورجاله ونسائه واطفاله وشيوخه بعودة الصباع وقولهم حمد الله على سلامته
وربنا يديم عليكم الفرح
واسيبكم مع شوية اسئلة تشغل الدماغ :
1- تفتكروا تحليل ال DNA اتعمل على حساب مصر ولا سويسرا ؟
2- طب تفتكروا الصباع رجع فى طيارة خاصة ولا طيارة عادية ؟
3- تفتكروا كدا اخناتون ارتاح فى تابوته؟
اذا عرفت الحل اتصل بنا
_________________
» شرح كامل لمنهج اللغة العربية
» كيفية إحياء ليلة النصف من شعبان
» اليوم العالمي للمرأة
» همسة إيمانية لفضيلة الشيخ فوزي محمد أبوزيد
» ما حكم ضرب الأطفال
» درس نموذجى
» ورشة عمل كيمياء
» اجتماع موجهىعموم التربية الزراعية