هي دي بنتي .... ايه رأيكم ؟؟؟
الي كل البنات عامة وبناتي هبه وهاجر خاصة
هى دى بنتى الوحيده
الى حببتنى فى البنات
هى دى ,,,
الى هناك بتضحك
هى دى ,,,
الى هناك بتلعب
ولما روحى منى تتعب
تملا قلبى بالحاجات
هى دى ...
الى هناك بتحلم
وفى عيونها غنوه حلوه
بس من خارج المقرر..
هى دى ..
قبل ما الجهل اللى فى المنهج يقرر
يقتل الروح البريئه
بالكتب والكراسات
علموها فى المدرسه
ترطن اللغات ..
تحفظ النص الغبى
وتشرح معانى المفردات..
ترتعش ايديها فوق ورقه الاجابه
لما تعرف ان ممكن حلمها
يضيع منها
على ربع درجه ,,,
هى دى ...
اللى بتغيب وتدبل
كل ما يهل علينا
موسم الامتحانات..
هى دى ,,,
اللى بتقراْ فى كتاب التاريخ
عن معجزات..
وتبص ع الدنيا
تلخبطها الحقيقه
لما تلاقينا مطرودين م تاريخ
خارجين من كل البوابات ..
هى دى بنتى الوحيده
هى دى ,,,
» شرح كامل لمنهج اللغة العربية
» كيفية إحياء ليلة النصف من شعبان
» اليوم العالمي للمرأة
» همسة إيمانية لفضيلة الشيخ فوزي محمد أبوزيد
» ما حكم ضرب الأطفال
» درس نموذجى
» ورشة عمل كيمياء
» اجتماع موجهىعموم التربية الزراعية