منتدى مدرستنا

السلام عليكم ورحمة الله وبركاته ، مرحباً بك فى مجتمعك المدرسى ، نرجو أن تكون فى كامل الصحة والعافية
لكى تتمكن من المشاركة يجب عليك التسجيل بالمنتدى . أما إذا كنت تريد تصفح موضوعات المنتدى فقط فتفضل
( الأستاذ / على الدين يحيى - مدير عام المنتدى )

معلوماتنا + أفكارنا العلمية والثقافية والدينية + خبراتنا فى العلم والحياة ( كل ذلك وأكثر بين يديك عزيزتى الطالبة, عزيزى الطالب )


    شبكة رادار قلبي مضبوطه علي مصر

    alaa1asd
    alaa1asd
    مشرف ثقافى
    مشرف ثقافى

    عدد المساهمات : 1012
    تاريخ التسجيل : 26/03/2010
    العمر : 56

    شبكة رادار قلبي مضبوطه علي مصر Empty شبكة رادار قلبي مضبوطه علي مصر

    مُساهمة من طرف alaa1asd في الجمعة يونيو 18, 2010 3:12 am

    شبكة رادار قلبي مضبوطه علي مصر 185211253076597





    باحبها بعنف وبرقة وعلى استحياء




    واكرهها وألعن أبوها بعشق زي الداء




    واسيبها واطفش في درب وتبقى هي ف درب


    وتلتفت تلقيني جنبها في الكرب




    والنبض ينفض عروقي بألف نغمة وضرب




    على اسم مصر.


    مصر السما الفزدقي وعصافير معدية




    والقلة مملية ع الشباك .. مندية




    والجد قاعد مربع يقرا في الجرنال




    الكاتب المصري ذاته مندمج في مقال



    ومصر قدامه اكتر كلمة مقرية




    قريتها من قبل ما اكتب اسمي بإيديا




    ورسمتها في الخيال على أبدع الأشكال




    ونزلت أيام صبايا طفت كل مجال




    زي المنادي وفؤادي يرتجف بجلال




    على اسم مصر.

    شفت الجبرتي بحرافيش الحسين وبولاق




    بان البلد ماشي زي النمس في الأسواق




    بالفلاحين ع المداخل من بعيد وقريب




    بالأرنؤوط بالشراكسة بكل صنف عجيب




    مترصصين سور رهيب مزراق في ريح مزراق




    كأنهم لا بشـر ولا خلقـة الخـلاق




    ومصر فلاحة تزرق بين رقيب ورقيب




    من غير أبو الهول ما ينهض ناهضة شايله حليب




    والصبح بدري الجبرتي ينام وقلمه يسيب




    على اسم مصر.


    مصر الرمال العتيقة وصهدها الجبار




    والنيل كخرطوم حريقه وحيد في وسط النار




    في إيدين بشر نمل رايحه وجاية ع الضفة




    فيهم مطافي وفيهم كدابين زفة




    وفيهم اللي تعالى وقال أنا حكمدار




    وكل باب م البيبان مقفول على اسرار




    وكل سر بحريقة عايزة تتطفا




    من أهلي تندهلي وتقوللي تعا اتدفا




    أنا اللي عمري انكتب إلى يوم ما اتوفى




    على اسم مصر.




    مصر اللي عمر الجبرتي لم عرف لها عمر




    وطلع لقاها مكان مليان عوام وزعر




    جعيدية غوغاء يجيبوا تملي وجع الراس




    وخليط أفارقه هنادوة روم ملل أجناس




    والترك في القلعة والمماليك خدودهم حمر




    كان عمرها ستلاف سنة .. كلها سنين خضر




    بس الزمان يختلف زي اختلاف الناس




    ناس تبني مجد وحضارة وناس بلا احساس




    وناس تنام لما يزحف موكب الأحداث




    على اسم مصر.



    النخل في العالي والنيل ماشي طوالي




    معكوسة فيه الصـور .. مقلوبة وانا مالي




    يا ولاد أنا ف حالي زي النقش في العواميد




    زي الهلال اللي فوق مدنة بنوها عبيد




    وزي باقي العبيد باجري على عيالي




    باجري وخطوي وئيد من تقل أحمالي




    محنيه قامتي .. وهامتي كأن فيها حديد




    وعينيا رمل العريش فيها وملح رشيد




    لكني بافتحها زي اللي اتولدت من جديد




    على اسم مصر.






    مصر .. التلات أحرف الساكنة اللي شاحنة ضجيج




    زوم الهوا وطقش موج البحر لما يهيج




    وعجيج حوافر خيول بتجر زغروطة




    حزمة نغم صعب داخلة مسامعي مقروطة




    في مسامي مضغوطه مع دمي لها تعاريج




    ترع وقنوات سقت من جسمي كل نسيج




    وجميع خيوط النسيج على نبرة مربوطة




    اسمعها مهموسة والا اسمعها مشخوطه




    شبكة رادار قلبي جوه ضلوعي مضبوطة



    على اسم مصر.










    شبكة رادار قلبي مضبوطه علي مصر 59001410




    شبكة رادار قلبي مضبوطه علي مصر Jkkkkk13
    *beba*
    *beba*
    عضو متميز

    عدد المساهمات : 342
    تاريخ التسجيل : 21/11/2009

    شبكة رادار قلبي مضبوطه علي مصر Empty رد: شبكة رادار قلبي مضبوطه علي مصر

    مُساهمة من طرف *beba* في الخميس يونيو 24, 2010 6:30 pm

    مصــــــــــر ام الدنياااااااا
    alaa1asd
    alaa1asd
    مشرف ثقافى
    مشرف ثقافى

    عدد المساهمات : 1012
    تاريخ التسجيل : 26/03/2010
    العمر : 56

    شبكة رادار قلبي مضبوطه علي مصر Empty رد: شبكة رادار قلبي مضبوطه علي مصر

    مُساهمة من طرف alaa1asd في الجمعة يونيو 25, 2010 1:33 am

    شبكة رادار قلبي مضبوطه علي مصر 185211253076597






    اكيد مصر ام الدنيا شكرا لك علي مرورك







    شبكة رادار قلبي مضبوطه علي مصر 59001410




    شبكة رادار قلبي مضبوطه علي مصر Jkkkkk13
    جيهان فاروق
    جيهان فاروق
    مشرف الفلسفة والمنطق
    مشرف الفلسفة والمنطق

    عدد المساهمات : 365
    تاريخ التسجيل : 08/01/2010
    العمر : 47

    شبكة رادار قلبي مضبوطه علي مصر Empty رد: شبكة رادار قلبي مضبوطه علي مصر

    مُساهمة من طرف جيهان فاروق في السبت يونيو 26, 2010 10:10 am

    Laughing Embarassed cyclops
    وطنى لو شغلت بالخلد عنه ...........نازعتنى اليه فى الخلد نفسى


    وشكرا لك
    alaa1asd
    alaa1asd
    مشرف ثقافى
    مشرف ثقافى

    عدد المساهمات : 1012
    تاريخ التسجيل : 26/03/2010
    العمر : 56

    شبكة رادار قلبي مضبوطه علي مصر Empty رد: شبكة رادار قلبي مضبوطه علي مصر

    مُساهمة من طرف alaa1asd في الثلاثاء يونيو 29, 2010 12:32 pm

    شبكة رادار قلبي مضبوطه علي مصر 185211253076597






    شكرا لك علي هذه الكلمات التي تدل علي صدق الكلام بارك الله فيك








    شبكة رادار قلبي مضبوطه علي مصر 59001410




    شبكة رادار قلبي مضبوطه علي مصر Jkkkkk13
    avatar
    nohazen
    عضو متميز

    عدد المساهمات : 165
    تاريخ التسجيل : 02/05/2010

    شبكة رادار قلبي مضبوطه علي مصر Empty رد: شبكة رادار قلبي مضبوطه علي مصر

    مُساهمة من طرف nohazen في الثلاثاء يوليو 06, 2010 5:15 pm

    تحيا مصر
    مجهود عظيم
    mony
    mony
    مشرف ثقافى
    مشرف ثقافى

    عدد المساهمات : 370
    تاريخ التسجيل : 15/01/2010
    العمر : 26

    شبكة رادار قلبي مضبوطه علي مصر Empty رد: شبكة رادار قلبي مضبوطه علي مصر

    مُساهمة من طرف mony في الخميس يوليو 08, 2010 11:44 am

    كلامك رائع يا استاذ علاء زى ما مصر ام الدنيا شعب مصر احلى الشعوب لانهم هم من يرفعوه مثل حضرتك بارك الله فيك

      الوقت/التاريخ الآن هو الخميس أبريل 09, 2020 9:03 pm