مربي الفراولة

تعتبر مربي الفراولة من اجمل انواع المربات وتوجد
الفراولة في الاسواق بكثرة ويمكن الاستفادة منها فى
صناعة المربي وكذلك شراب الفراولة اللذيذ ولكم
اوضح ان المربي الي في السوق بتكون كلها جيلاتين
و الفاكهة قليلة طبعا علشان الربح علاوة علي وجود
المواد الحافظة ولو انت عملتيها في البيت حتوفري
كتير والاهم انك حتضمني انهانظيفة و خالية من
المواد الحافظة و كلها فاكهه طولت عليكم تعالوا
نعملها
المقادير: 1ك فراولة---3/4ك سكر---عصير ليمونة
الطريقة: 1-طبعا نغسل الفراولة غسيل جيد ونشيل العنق الاخضر
2-نقطع الفراولة قطع مناسبة و نضع عليها السكر وترفع علي النار
مباشرة علشان متنزلش عصير كثير و تأخذ وقت في النضج و يغمق
لونها 3-توضع علي نار هادئة مع التقليب المستمر حتي يغلظ القوام
ونضع عصير الليمون ونفضل نقلب حتي النضج اعرف النضج بوضع
معلقة من المربي في طبق نظيف و جاف اذا فضلت محتفظة بقوام
المربي دل ذلك علي النضج اما اذا فرشت في الطبق فده معناه
انها عاوزه نضج شوية 4- بعد النضج ترفع من علي النار و تترك
تهدأ شوية يعني تبطل غليان و بعدين اضعها في البرطمان اللي لازم يكون نظيف و
معقم اقولك اعقم البرطمان ازاي شوفي: بعد عسيل البرطمان افتح الفرن شويه و اضع البرطمان مدة 5 ق واطفي الفرن واخد البرطمان سخن و اضع المربي و هي سخنة زي ما قلنا و بالهنا و الشفا نسيت اقولك ان المقدار ده يعمل 2 ونصف برطمان احسبي التكلفة وشوفي الفرق وقوللي

[b]تسلمى وتسلم ايدك انا بحب الفراوله اوى انا هجربها وخصوصا دلوقتى الفراوله كتير فى السوق وهقولك [img][/img]

السلام عليكم ورحمة الله وبركاته

جزاك الله خيرا حبيبتى
وبارك الله فيك
ومانتحرمش منك ابدا سيدتى

اجعل طاعتك لمن لاتستغنى عنه ،
واجعل خضوعك لمن لا تخرج عن ملكه وسلطانه

اشكرك يا استاذ علي

بالنسبة لعصير الليمون يوجد عند العطار حاجة اسمها ملح اليمون ده بنضيفه بنسبة 4-5جم لكل كيلو سكر مضاف و ده حوالي معلقة شاي صغيرة ام بالنسبةلعصير لليمون فده بيضاف تقديري بالخبرة وانا قلت عصير ليمونة لان الكمية صغيرة ولتسهيل العمل واشكرك مرة كمان

مش ممكن الطعم الخطير ده يجنن يسلم الأيادي

تسلم ايديكي يا استاذة منى وربنا يباركلنا فيكي وبقولك (عظمة على عظمة يا ست )هو ده قسم الزراعة

تسلم ايدك ياصديــقتى العــزيزة
وياريت الوصفة الجاية تكون للمخلل والسلطات
*******Z]

بارك الله فيك
بس ممكن نقلل السكر؟