سنــــين فــاتت في ثانـويه... كفاح دامي وعــرق ودموع
وبعدالمعركـــــه الحــــاميه... قدرت أنجح وأجيب مجموع
أخيراً حلمنــــــــــا إتحقق ...هخش الطــــــــب وأدّكــــتر
رســاله جميله ومعـــاها.... مقام عالي وفلوس أكـــــــتر
و جاتلي بطاقة الترشيــح... فيها الطب اللي بحـــلم بيه
بتاع البوسته جابهـــالي ...وخدله حلاوه عشــــرة جنيه
في أول يوم لــبست جديد ...وشلت البالطو رحـت لاقيت
زمايلي إتحــشروا في مــدرج... عامل ولاعــلبة الكبريت
دخل دكتور قعد يشـــرح ....كلام كــان صعب ولاتيني
و أنا متنـح ومـش فـاهم ...لاقيت النــوم غلب عيني
و قلت مادام ضاع النظري... هظبّــط نفسي في العملي
جريت عـ المشـرحه بسرعه... لكن كالـعاده خاب أملي
دخلـت لاقـيت 200واحد.... بيتخـنقم على الجــــثه
وناس واقـفه من الزحمه ...على كتافـي ومــش حاسه
و طبـعاً حسّوا بظــروفنا ....وحطّولنا إمتـحان فوازير
وكل أمّا آجي أحـل ســؤال... أقف أدامـه زي الـزير
سنه بتمشــي وســنه بتيجي ..مقـالـب بعـدها مقـــالب
زمايلي إتعينوا و قبــضوا ..و أنا شايـل لـقب طالب
و لسّه أنا برضه مايئستش
لحد ماخلصم السبــعه ....وقلت خلاص هروق وهعيش
و قبل ما أفوق من الصدمه.... خدوني عشان أخش الجيش
وقعت هناك في إيـد ظابط .....ظغرلي وقال يا بسـكوته
أحب أبـشرك إنــك ...معـايا هتطــفح الكوته
خلاص السبعه بقوا عشرة.... ولسه أنا ماشي جنب الحيط
و بان السن علـى وشي .....و شعري إبيـــّض وإصلعيت
وبعد ما قـلت كـفاره ......خلاص هرتاحلى بقى كام يوم
لاقيتهم تـانـي واخدنّي ..عشان تكليــفي في السلوم
و قلت هناك هآخد قرشين..... آكل منهم و أجيـب لبسي
فوجئـت يا عيني بمرتب ....يادوب مايقضـنيش شيبسي
و بعد العمر دا كـله .....رمـوني في وحـده صحية
نسيت الطب أنا فيـها ....وبقـيت زي الترمـجيه
و آديني بعيش و هعمل أيه .... ماليش ولا قوه ولا حولا
وحيد غلبان وحتى مافـيش ....جـوازعلـى نفـقة الدوله
» شرح كامل لمنهج اللغة العربية
» كيفية إحياء ليلة النصف من شعبان
» اليوم العالمي للمرأة
» همسة إيمانية لفضيلة الشيخ فوزي محمد أبوزيد
» ما حكم ضرب الأطفال
» درس نموذجى
» ورشة عمل كيمياء
» اجتماع موجهىعموم التربية الزراعية