المصري الاصيل هو ......؟؟؟

المصري الاصيل هو اللي:


لو عمل حاجة حلوة يبعت طبق لجاره يدوق






وهواللي:

لو لقى الدنيا بتشتي يجري يخبط عليك

ويقولك لم الغسيل





وهو اللي:


لو شم عندك حاجة بتتحرق يجري يطمن

عليك لتكون اتخنقت





وهواللي:

لو سمع صوت زعيق وخناقة عندكو

يجي ويقول يا جماعة صلو على النبي







وهواللي:


لو لقى خناقة في الشارع يتدخل

ويحوش ويقولك وحد الله

حتى لو كانت التنيجه انه يروح لمراته قميصه مقطوع






وهواللي:

لو اتفرط منك كيس جوافة في الشارع

يقف يلم معاك





وهواللي:

لو حس انك مزنوق(في الفلوس)

يعملك جمعية مخصوص ويقبضك الاول





وهواللي:

يقف معاك في الاحزان والافراح

زي ميكون من بقية اهلك





وهو اللي:

لو لقاك في مواصلة و كان عارفك

يحلف ميت يمين ليدفعلك الأجرة

حتى لو مافيش في جيبه غير نص جنيه





وهو اللي:

يقسم بالله انك تيجي تفطر معاه في رمضان





وهواللي:

يلملك من الركاب فلوس لو اتسرقت فلوسك



وهو اللي:

يقف فى الشراع بولاده يوقف العربيات
وفى ايده التمر و العرقسوس وقت الادان
علشان يفطر الناس حتى لو مفطرش فى بيته






واخيرا المصري والعربي الاصيل هو اللي:


لما يشوف الموضوع ده

هيرد عليه



هههههههههههههههههههه

عندك حق يا دعاء بس اظن ان هما قليلين قوى وكمان المصرى الاصيل اللى لما يشوف حد اكبر منه واقف فى اتوبيس يقوم ويقعده