نظام المدرسة الجديد (نظام المحاضرات)

يا طلاب ثانية وثالثه فى مدرستنا

حصل تغيير فى النظام اليومى بدل من الحصص هيبقى محاضرات

يعنى عندنا ثلاث محاضرات يومياً وساعة نشاط (تروحوا فيها النشاط اللى انتوا عايزينه زى المجالات

كده....مكتبةاو موسيقى او زراعة او اقتصاد)وممكن كل يوم تغيروا النشاط.

والمواعيد هتبقى :

الطابور الساعة 7.15

المحاضرة الاولى من 7.30 الى 8.30

المحاضرة التانية من 8.30 الى 9.30

والنشاط من 9.30 الى 10.30

والمحاضرة التالته من 10.30 الى 11.30

والمحاضرة هتشمل مراجعة على اللى فات وشرح الحاجات اللى مش مفهومة وورقة فيها اسئلة مصورة

هنحلها مع المدرس

بيتهيألى مفيش احسن من كده ايه رأيكوا؟؟؟

هو ده الكلام ياربت لو كان من زمان دلوقتي هنعرف نستفيد اكتر وهنروح المدرسة كل يوم ونستفيد من وقتنا بدل ما نضيعه في البيت من غير مذكره ياريت كلنا نروح المدرسة ونحضر المحاضرات ونستفيد من مدرسينا ومن مدرستنا الجميلة

انا رايى نجلس فى البيت احسن ونذاكر
كده كده البنات معتمده على الدروس والمدرسين بيجدخلوا الفصول وبيلاقوها فاضيه وتيجى نفسهم مسدوده
وكمان مفيش حد بيروح السنه من اولها يبقى هنروح دلوقتى
وكمان احنا بقنا فى اخر السنه يبقى نقعد فى بيوتنا

عموماً يا أولادى وحبايبى
المدرسين فى انتظاركم لأى حاجة محتاجين شرحها وممكن جداً أى طالبة متكونشى فهمت جزئية معينة بالشكل الصحيح أو ليست متمكنة منها أو تجد فيها صعوبة بعض الشيئ .... تبقى فرصة كبيرة ليكى أنك تحضرى للمدرسة وتطلبى من مدرس المادة التى تحتاجينها أن يشرحها لكى وتأكدى أنه لن يتأخر عنك أبداً
وعلى فكرة للطالبة الحق فى حضور المادة التى تريدها وفى أى فصل .
ها عايزين راحة ودلع أكثر من كدة !!!!
وعلى العموم كل اللى يهمنا الوصول لأكبر مجموع عشان نشرق مدرستنا بإذن الله